მამუკა ქობულაძე ჟურნალ-გაზეთების დიზაინის მდიდარი გამოცდილების მქონე არტ-დიზაინერია. საქართველოში ვიზიტისას მას რამოდენიმე გაზეთისა და ჟურნალის, საგამომცემლო სახლის, რადიო არხის და ა.შ. მესაკუთრე, ერთ-ერთი წამყვანი მედია-ჰოლდინგი - მედია-სახლი `პალიტრა” მასპინძლობდა. მამუკა მასპინძელ ორგანიზაციას რამდენიმე ჟურნალის დიზაინის დახვეწაში დაეხმარა, გაუზიარა რა პერსონალს თანამედროვე ტექნიკური უნარ-ჩვევები და ევროპაში ამ მხრივ არსებული გამოცდილება. ის ფაქტი, რომ მედია-სახლმა `პალიტრამ” მამუკა ქობულაძესთან 2010 წლის თებერვლისთვის მომავალი შეხვედრის სურვილი გამოთქვა, პროექტის წარმატებაზე მიუთითებს.

მარეხ ტოგონიძე ნიდერლანდებში ცხოვრობს და ერთ-ერთ მსხვილ ბანკში კრედიტების უფროსი რისკ-მენეჯერის თანამდებობაზე მუშაობს. ამავე დროს, მარეხი ნიდერლანდებში ქართული დიასპორული ორგანიზაციის ხელმძღვანელია. ორგანიზაცია მოწოდებულია შეინარჩუნოს და გაამყაროს კავშირები საქართველოსთან სხვადასხვა პროექტსა და საქმიანობაში ჩართვის გზით. "კვალიფიციური თანამემამულეების დროებითი დაბრუნება II" პროექტის ფარგლებში მარეხი საქართველოს 2009 წლის დეკემბერში ესტუმრა და იმუშავა შპს `კრისტალთან”, ერთ-ერთ წამყვან მიკროსაფინანსო ორგანიზაციასთან იმერეთის რეგიონში. მარეხის მიერ გაზიარებული ცოდნა და გამოცდილება ძალზე ღირებული აღმოჩნდა ქვეყანაში მცირე და საშუალო ბიზნესის განვითრების ხელშეწყობაზე მომუშავე დინამიურად მზარდი კომპანიისთვის და ასევე დაეხმარა მას ევროპაში ამ სფეროში არსებული პრაქტიკის უკეთ გაგებაში. თავის მხრივ, ვიზიტი მნიშვნელოვანი იყო რეგიონში ეკონომიკური განვითარების ხელშეწყობისთვის.

დაბრუნება>>>